လစာထဲမှာပါတဲ့အကြောင်းအရာများ
အားလုံးပဲမင်္ဂလာပါ။ဂျပန်ရောက်ပြီးအလုပ်လုပ်နေတဲ့မောင်လေးညီမလေးတွေအတွက်လစာထဲမှာပါတဲ့အကြောင်းအရာလေးတွေကိုသေချာသိပြီးကြပြီလား။ဒီနေ့လစာထဲမှာပါတဲ့「給料明細」အကြောင်းအရာအချက်အလက်လေးတွေကိုရှင်းပြပေးမှာဖြစ်ပါတယ်။
⒈ 給料明細လစာရှင်းတမ်းစာရွက်ဆိုတာ？
လစာရှင်းတမ်းစာရွက်ဆိုတာကမိမိရဲ့လစာရရှိထားသည့်ငွေပမာဏ၊နှုတ်ထားတဲ့ပမာဏများကိုတွက်ချက်ထားပြီး၊ထိုစာရွက်ထဲတွင်ရေးသားဖော်ပြကာအသိပေးတဲ့စာရွက်ကိုဆိုလိုပါတယ်။ယ်။စာရွက်ထဲမှာကုမ္ပဏီမှပေးချေရမည့်လစာနှင့်ထောက်ပံ့ကြေးပမာဏများသာတင်မက၊ကျန်းမာရေးအာမခံနှင့်ဝင်ငွေခွန်စသည်တို့ကိုပါနှုတ်ထားပြီး၊အလုပ်ဆင်းသည့်အခြေအနေများကိုပါဖော်ပြထားပါသည်။
⒉ လစာရှင်းတမ်းစာရွက်ထဲမှာဘာတွေရေးသားဖော်ပြထားလဲ？
လစာရှင်းတမ်းစာရွက်ကိုဥပဒေမှပုံစံတသမှတ်တည်းသတ်မှတ်ထားခြင်းမရှိသည့်အတွက်၊ကုမ္ပဏီအပေါ်မူတည်ပြီးဒီဇိုင်းပုံစံနှင့်ရေးပုံရေးနည်းအနည်းငယ်ကွာခြားပါတယ်။ပါဝင်သည့် အကြောင်းအရာအများစုကအတူတူပါပဲ။
- 勤怠 အလုပ်ချိန်
- 支給額 ပေးချေသည့်ပမာဏ
- 控除額 နှုတ်ယူသည့်ပမာဏ
- 差引支給額 အသားတင်ကျန်သောပမာဏ
⒊ 勤怠အလုပ်ချိန်ဆိုသည့်အထဲမှာဘယ်လိုအကြောင်းအရာပါလဲ？
အလုပ်ချိန်ဆိုတဲ့အကြောင်းအရာထဲမှာ၊တလတာလုံးတွင်အလုပ်ဆင်းခဲ့သည့်ရက်၊အလုပ်ပျက်ရက်၊အချိန်ပိုတို့ကိုထည့်သွင်းရေးသားထားပါသည်။ထို့အပြင်「残業時間（時間外労働）」ခေါ်「အချိန်ပို（သတ်မှတ်ထားသောအလုပ်လုပ်ချိန်ထက်ပိုပြီးအလုပ်ဆင်းခြင်း）」နှင့်「休日勤務時間」「နားရက်တွင်အလုပ်ဆင်းခြင်း」စသည့်အကြောင်းအရာများကိုဖော်ပြထားပါသည်။
所定就労日：စုစုပေါင်းမဖြစ်မနေအလုပ်ဆင်းရမည့်ရက်
出勤日数：အလုပ်ဆင်းခဲ့သည့်ရက်ပေါင်း
残業時間：အချိန်ပို
深夜時間：「ည၁၀နာရီမှမနက် ၅နာရီအတွင်းအလုပ်ဆင်းသည့်အချိန်」ညဆိုင်း
休日出勤時間：ပိတ်ရက်တွင်အလုပ်ဆင်းခြင်း
⒋ 支給額ပေးချေခြင်းဆိုသည့်အထဲမှာဘာတွေပါလဲ?
လစာရှင်းတမ်းစာရွက်ထဲတွင်အခြေခံလစာနှင့်အချိန်ပို၊ရထားခဆိုပြီးအမျိုးမျိုးသောအကြောင်းအရာများကိုရေးသားဖော်ပြထားပါသည်။
- 基本給料：ဝန်ထမ်းနှင့်ကုမ္ပဏီစာချုပ်ချုပ်ရာတွင်သတ်မှတ်ထားသောအခြေခံလစာ
- 残業手当：အချိန်ပိုဆင်းရာမှာထောက်ပံ့ပေးသောအချိန်ပိုကြေး
- 役職手当：ကုမ္ပဏီမှပေးအပ်ခြင်းခံရသောရာထူးနှင့်တာဝန်ယူမှုအပေါ်မူတည်ပြီးပေးအပ်သောရာထူးထောက်ပံ့ကြေး
- 深夜手当：ညဆိုင်းဆင်းရာမှာထောက်ပံ့ပေးသောညဆိုင်းကြေး
- 非課税通勤費：မိမိနေအိမ်ကနေကုမ္ပဏီအထိအသွားအပြန်စရိတ်ကိုပါ（ဘတ်စ်ကား・ရထား・တက္ကစီစသဖြင့်）
- その他 ကုမ္ပဏီပေါ်မူတည်ပြီးတခြားထောက်ပံ့ကြေးနှင့်အကြောင်းအရာများ
⒌ 控除額နှုတ်ယူသောပမာဏဆိုတာဘာလဲ？
လူမှုဖူလုံရေးအာမခံ၊ဝင်ငွေခွန်စသည့်မဖြစ်မနေနှုတ်ရမည့်အကြောင်းအရာများကိုဆိုလိုပါသည်။စုစုပေါင်းတွက်ချက်ထားသောလစာထဲမှထိုအကြောင်းအရာပါပမာဏများကိုနှုတ်ယူပါမည်။အသေးစိတ်အားဖြင့်
- 健康保険：ကျန်းမာရေးအာမခံဆိုသည်မှာဖျားနာဒဏ်ရာရခဲ့ခြင်းသို့မဟုတ်ထိခိုက်ဒဏ်ရာရခဲ့ခြင်းကြောင့်အလုပ်နားရခြင်း၊ကလေးမွေးဖွားခြင်းနှင့်သေဆုံးခြင်းစသည့်အခြေအနေများအတွက်ကျန်းမာရေးအာမခံစနစ်ဖြစ်သည်။
- 雇用保険：အလုပ်အာမခံဆိုသည်မှာအစိုးရ၏ထိန်းချုပ်မှုလက်အောက်တွင်ရှိပြီးမဖြစ်မနေဝင်ရသောအာမခံဖြစ်ပါသည်။တချိန်ချိန်တွင်အလုပ်ပြုတ်ခဲ့ပါကထောက်ပံ့ကြေးရနိုင်ပါသည်။
- 厚生年金：ပင်စင်ကြေးဆိုသည်မှာဂျပန်နိုင်ငံရှိလုပ်ငန်းအသင်းဖွဲ့နှင့်ဆိုင်သောပင်စင်စနစ်၏အဓိကသော့ချက်ဖြစ်သည်။လုပ်ငန်းခွင်တွင်ဝင်ရောက်နေသောသူဖြစ်ပါကအသက်၂၀မပြည့်လည်းအလိုအလျောက်ဝင်ရသည့်စနစ်လည်းဖြစ်သည်။
- 所得税：ဝင်ငွေခွန်ဆိုသည်မှာမိမိရရှိသောဝင်ငွေမှလမ်းစရိတ်စသည်တို့ကိုနှုတ်ပြီးကျန်သောငွေပမာဏပေါ်မူတည်ပြီးတွက်သောပမာဏဖြစ်ပြီးနိုင်ငံတော်ကိုဆောင်ရသည့်အခွန်လည်းဖြစ်ပါသည်။
- 住民税：နေထိုင်ခွန်ဆိုသည်မှာမိမိ၏ဝင်ငွေခွန်အပေါ်မူတည်ပြီးတွက်သည့်အခွန်ဖြစ်ပြီး၊ဒေသခံပြည်သူ့အဖွဲ့အစည်းသို့ပေးဆောင်ရသည့်အခွန်လည်းဖြစ်ပါသည်။
- 社宅代：ကုမ္ပဏီမှစီစဥ်ပေးသောအဆောင်တွင်နေထိုင်သူများအတွက်အိမ်လခကိုပါတခါတည်းနှုတ်ပါသည်။
- 介護保険料：သူနာပြုစောင့်ရှောက်မှုအာမခံကိုအသက်၄၀ကျော်လျှင်စ,ဆောင်ရမည်။
⒍ 差引支給額အသားတင်ကျန်သောပမာဏ？
ဘဏ်အကောင့်ထဲသို့လွှဲလာသောငွေပမာဏ၊သို့မဟုတ်လက်ငင်းရရှိခဲ့သောပမာဏသည်တနည်းအားဖြင့် 「差引支給額」အသားတင်ကျန်ငွေဖြစ်သည်။
အသားတင်ကျန်ငွေ＝စုစုပေါင်းရရှိသည့်ပမာဏ-နှုတ်ယူသောပမာဏ
အကျဥ်းချုပ်
ဂျပန်နိုင်ငံတွင်လစာမထုတ်ခင်လစာရှင်းတမ်းစာရွက်ကိုအရင်ပေးတဲ့ကုမ္ပဏီလည်းရှိပါတယ်။ထိုလစာစာရွက်ထဲမှအကြောင်းအရာများကိုသေချာနားလည်သဘောပေါက်ပြီး၊လစာတိုးပါကကြိုးစားချင်စိတ်များပိုရှိလာမယ်လို့ထင်ပါတယ်။ထို့အတွက်ကြောင့်ပိုပြီးကြိုးစားကြပါနော်။JLEFsupportကိုအမြဲကြည့်ရှုအားပေးကြတဲ့အတွက်အမြဲကျေးဇူးတင်လျက်ပါ။
လစာရှင်းတမ်းစာရွက် ဗီဒီယိုကြည့်ရန်