အချိန်တိုအတွင်းဂျပန်စာ N3အောင်ဖို့နည်းလမ်း
4လပိုင်း21ရက်နေ့တွင် Akamonkai Japanese Language schoolမှ条先生(じょうဆန်းဆေး)ကိုဖိတ်ကြားခဲ့ပြီး【အချိန်တိုအတွင်းဂျပန်စာN3သင်ယူအောင်မြင်ခြင်းနည်းလမ်းအတွက်ရှင်းလင်းချက်】နှင့်ပတ်သက်သောWebinarကိုကျင်းပခဲ့ပါတယ်။နိုင်ငံခြားသားများအတွက်အဓိကထားပြီးပြောပြသွားခြင်းဖြစ်ပြီးထိုအကြောင်းအရာကိုအတိုချုံ့ပြီးတင်ပြပေးလိုက်ပါတယ်။
条先生(じょうဆန်းဆေး)သည်တက္ကသိုလ်တွင်ဂျပန်စာပေကိုလေ့လာခဲ့ပြီး၊နိုင်ငံခြားသားများစွာကိုဂျပန်စာသင်ကြားခဲ့ပါသည်။
ယခုတခေါက်Webinarတွင်
１．ဂျပန်ဘာသာစကားကျွမ်းကျင်မှုကိုမြန်မြန်ဖြေဆိုအောင်မြင်နည်း
２．ဂျပန်ကိုသွားချင်သူများအတွက်ဂျပန်မလာခင်လုပ်သင့်သည့်အရာများကိုပြောပြပေးခဲ့ပါတယ်။
အရင်ဆုံး
１．ဂျပန်ဘာသာစကားကျွမ်းကျင်မှုကိုမြန်မြန်ဖြေဆိုအောင်မြင်နည်းနှင့်ပတ်သက်ပြီး…
「基礎が大切」「အခြေခံကအရေးကြီးဆုံး」ပါပဲလို့ပြောသွားပါတယ်။
ဂျပန်စာN3အရည်ချင်းစစ်စာမေးပွဲ၏အမှတ်ပြည့်သည်180ဖြစ်ပြီး၊အောင်မှတ်မှာ95မှတ်ဖြစ်သည်။သဘောက စာမေးပွဲတွင်တစ်ဝက်လောက်မှန်ခဲ့ရင်ဖြေဆိုအောင်မြင်နိုင်ပါတယ်။N4ကိုကပ်ပြီးအောင်ထားသည့်သူများသည်အခြေခံမပိုင်သည့်အတွက်N3ကိုလေ့လာခဲ့လည်းပဲဖြေဆိုအောင်မြင်ဖို့ခက်ခဲပါလိမ့်မယ်။
N3ဖြေဆိုအောင်မြင်ရန်အတွက်လိုအပ်သည့်အခြေခံဆိုသည်မှာ「ယခုအချိန်အထိသင်ယူထားသည်များကိုအပြည့်အဝနားလည်ခြင်း」ကိုဆိုလိုပါသည်။
- Kanjiတရုတ်အက္ခရာများနှင့်စကားလုံးများ
- ဝိဘတ်（「が」「を」「に」「の」「と」）အသုံးပြုနည်း
- အမေးစကားလုံး（なに？だれ？どこ？いつ？なぜ？どのように？）
- ဝါကျ၏အဆုံးသတ်（～がほしいです。～といいます。～ませんか。～しましょうか。～してもいいですか。等）အသုံးပြုနည်းစသည်တို့ကိုသေချာစွာနားလည်သဘောပေါက်ပြီး၊အသုံးပြုနိုင်ရမည်။
N４မှာအခြေခံကိုပိုင်ထားသူများသည်
- ဂျပန်စာအရည်ချင်းစစ်စာမေးပွဲN3ကိုအချိန်အကြာကြီးမပေးရပဲဖြေဆိုအောင်မြင်နိုင်ခြင်း
- N3၏စကားလုံးများနှင်သဒ္ဒါများကိုမသိသော်လည်းN4အထိကျွမ်းကျင်စွာသင်ယူခဲ့သောအသိပညာဖြင့်အဖြေများကိုခန့်မှန်းနိုင်ခြင်းများကြောင့်ဖြေဆိုအောင်မြင်ရန်လွယ်ပါသည်။
ဆန့်ကျင်ဘက်အနေနှင့်N4အထိသင်ခဲ့သောအကြောင်းအရာများကိုနားမလည်ပဲ N3ရဲ့ဖတ်စာအုပ်နှင့်မေးခွန်းများကိုထပ်ခါတလဲလဲလေ့ကျင့်လည်းပဲရလဒ်ကောင်းထွက်ရန်အချိန်တော်တော်ယူရမည်ဖြစ်သည်။
ဆက်လက်ပြီး
２．ဂျပန်ကိုသွားချင်သူများအတွက်ဂျပန်မလာခင်လုပ်သင့်သည့်အရာများနှင့်ပတ်သက်ပြီး
- Hiragana,Katakanaကိုမှန်ကန်စွာမှတ်သားရန်（စာလုံးများသာမကအသံထွက်ကိုလည်းမှန်ကန်စွာမှတ်သားပါ）
- အခန်းတွင်းရှိအရာများ၊မြို့နှင့်ပတ်ဝန်းကျင်တွင်မြင်ခဲ့သောအရာများကိုဂျပန်လိုပြောနိုင်ရန်အတွက်၊စကားလုံးများကိုအများကြီးလေ့လာရန်
- ဂျပန်နိုင်ငံကိုအလုပ်နဲ့လာရဖို့သေချာတဲ့သူတွေက၊ထိုအလုပ်နဲ့ပတ်သက်တဲ့စကားလုံးများကိုကြိုတင်လေ့လာထားရန်ဖြစ်ပါတယ်။
နေ့စဥ်ဘဝမှာလည်းဂျပန်စာကိုကြိုးစားအားထုတ်ရန်အလွန်အရေးကြီးပါတယ်။
ကျွန်တော်တို့ JLEF support အဖွဲ့မှလည်း条先生(じょうဆန်းဆေး)မေးခွန်းများမေးခဲ့ပါတယ်
မေးခွန်း ①：N3ကိုလေ့လာစဥ်၊နိုင်ငံခြားသားများကိုအခက်တွေ့စေတဲ့အရာကဘာလဲ?အဲ့တာကိုကျော်ဖြတ်ဖို့နည်းလမ်းကိုလည်းပြောပြပေးပါ။
条先生：အရမ်းအခက်တွေ့စေတဲ့အရာကတော့「語彙」လို့ခေါ်တဲ့ဝေါဟာရပါပဲ။
ကျော်ဖြတ်နိုင်တဲ့နည်းတွေကတော့ ဝေါဟာရကိုတခုတည်းသီးသန့်ကျက်တာမျိုးမလုပ်ပဲစကားလုံးတွေကိုတွဲကျက်ဖို့အကြံပေးချင်ပါတယ်။
ဥပမာ… 「はっきり」→「はっきりわかった！」
「さっぱり」→「シャワーをして、さっぱりした！」ဆိုပြီးတွဲမှတ်ပါ
နောက်ပြီးနားမလည်တာရှိရင်လည်းအမြဲလိုလိုဖုန်းကိုအသုံးပြုပြီးရှာဖွေတာမျိုးပြုလုပ်ပါ။
မေးခွန်း②：Akamonkai Japanese Language schoolမှာဆရာ/မတွေကဘယ်လိုsupportingမျိုးလုပ်ပေးပါသလဲ?
条先生：စာမေးပွဲနီးလာတာနဲ့အမျှစာမေးပွဲမေးခွန်းပုံစံများကိုကျင့်သားရအောင်တကယ်စာမေးပွဲဖြေနေတဲ့ပုံစံမျိုးနဲ့လေ့ကျင့်ပေးပါတယ်။ဒါ့အပြင်စာမေးပွဲဖြေဖို့ဖောင်လျှောက်ရာမှာအခက်ခဲဖြစ်တဲ့သူတွေကိုဖောင်တင်တာမျိုးပြုလုပ်ပေးပါတယ်။
မေးခွန်း③：စကားပြောတိုးတက်အောင်ဘယ်လိုလုပ်သင့်ပါသလဲ?
条先生：စကားပြောတိုးတက်ဖို့ စကားတွေအများကြီးပြောဖို့လိုပါတယ်။အဲ့ဒီလိုပြောတဲ့အခါမှာလည်းကိုယ်နဲ့ပတ်သက်တဲ့အရာတွေကိုစကားပြောတာပိုကောင်းပါတယ်။
ဥပမာ မနေ့ကဘာလုပ်ခဲ့လဲ?မနက်စာဘာစားခဲ့လဲ စသဖြင့်ပေါ့နော်။
ဖတ်စာအုပ်ကိုပဲဖတ်နေရင်တော်တော်နဲ့စကားပြောမကျွမ်းကျင်မှာမဟုတ်ပါဘူး။ကြိုးစားပြီးပြောဖို့တိုက်တွန်းပါတယ်။
POINT：ဂျပန်ဘာသာစကားတိုးတက်စေရန်နည်းလမ်းများ
- ဂျပန်လူမျိုးနှင့်စကားပြောခြင်း！（ကိုယ့်ဘက်ကစကားပြောရဲအောင်ကြိုးစားပါ၊မှားမှာကိုမကြောက်ပဲအရင်ဆုံးစကားစ,ပြောနိုင်ဖို့ကိုပဲအာရုံထားပါ）
- Shadowing（ကြားခဲ့ရတဲ့စကားလုံးကိုပါးစပ်မှထပ်ခါတလဲလဲလိုက်ပြောကြည့်ခြင်း）
- ဂျပန်သီချင်းများကိုနားထောင်ခြင်း
- ဂျပန်ဗီဒီယိုများနှင့်ကာတွန်းများကိုကြည့်ခြင်း
- မြန်မာလူမျိုးအချင်းချင်းဖြစ်သော်လည်းမိခင်ဘာသာစကားကိုအသုံးမပြုပဲ၊ဂျပန်ဘာသာဖြင့်သာစကားပြောခြင်း၊စာပို့ခြင်းတို့ဖြင့်ဂျပန်စကားတိုးတက်အောင်ပြုလုပ်နိုင်ပါသည်။
Webinarတွင်ဝင်ရောက်နားထောင်ပေးကြသူများထံမှမေးခွန်းများစွာမေးမြန်းထားခြင်းများကြောင့်မိနစ် ၃၀ကြာအချိန်ထပ်တိုးခဲ့ရပါတယ်။Webinarတွင်ပါဝင်ပေးခဲ့ကြသူများနှင့်စစ်တမ်းများကိုဖြေဆိုပေးခဲ့သူများအားလုံးကိုအထူးကျေးဇူးတင်ရှိပါသည်။
ဂျပန်စာကိုဒီထက်ပိုမိုတိုးတက်ပါစေဟုဆုတောင်းပေးလိုက်ပါတယ်နော်။
ဗီဒီယိုများဝင်ကြည့်ရန် ↓↓↓
条先生Webinarကိုနားထောင်ရန်【မြန်မာဘာသာပြန်】
ナンさん(မြန်မာ)Webinarကိုနားထောင်ရန်【မြန်မာဘာသာပြန်】
チンさん（တရုတ်)Webinarကိုနားထောင်ရန်
フォンさん（ဗီယက်နမ်)Webinarကိုနားထောင်ရန်