မူဝါဒ

2021ခုနှစ် 3လပိုင်းကစပြီး၊ဂျပန်သို့ဝင်ရောက်လာမည့်သူများအနေဖြင့်၊ MySOSတွင်စာရင်းသွင်းခြင်း၊ဂျပန်သို့ဝင်ရောက်ပြီးနောက်စောင့်ဆိုင်းကာလတွင်းမှာလည်းနေ့စဥ်MySOSမှတဆင့်မိမိရဲ့ကျန်းမာရေးအခြေအနေကိုသတင်းပို့ရမှာဖြစ်ပါတယ်။သို့ရာတွင် 2022ခုနှစ်10လပိုင်း11ရက်နေ့မှစပြီး၊ဂျပန်ပြည်ဝင်ခွင့်ဆိုင်ရာစီမံချက်များကိုဖြေလျော့ပေးလိုက်သည့်အပြင်လုပ်ထုံးလုပ်နည်းများကိုလည်းအလွယ်တကူအသုံးပြုနိုင်အောင်ပြောင်းလဲခဲ့ပါတယ်။ 　2022ခုနှစ် 10 လပိုင်း 11 日ရက် ဂျပန်စံတော်ချိန်မနက်00:00နာရီမှစပြီးအောက်ပါအတိုင်းပြည်ဝင်ခွင့်ဖြေလျော့မှုများကိုပြုလုပ်လိုက်ပါတယ်။■ဂျပန်သို့ပြန်ဝင်လာစဥ်(သို့မဟုတ်)ဝင်ရောက်ချိန်တွင်စစ်ဆေးခြင်းများမပြုလုပ်သော်လည်း(အောက်ပါအချက်များထဲမှတစ်ခုခုကိုတင်ပြရန်လိုအပ်ပါသည်)① ကမ္ဘာ့ကျန်းမာရေးအဖွဲ့(WHO)ရဲ့အရေးပေါ်အသုံးပြုမှုစာရင်းထဲတွင်ဖော်ပြထားသည့်ကာကွယ်ဆေး၃ကြိမ်ထိုးပြီးကြောင်းလက်မှတ် (သို့မဟုတ်)②မိမိနိုင်ငံမှမထွက်ခွာမီ 72နာရီတွင်းစစ်ဆေးထားသောPCRအနုတ်လက္ခဏာရလဒ်လက်မှတ်■ဂျပန်နိုင်ငံသို့ပြန်ရောက်ပြီးနောက်အိမ်(သို့မဟုတ်)ဟိုတယ်အဆောက်အဦးများတွင်စောင့်ဆိုင်းခြင်းမလိုအပ်ပါ■ဂျပန်နိုင်ငံသို့ပြန်ရောက်ပြီးနောက်အများပြည်သူသုံးသယ်ယူပို့ဆောင်ရေးကိုအသုံးပြုနိုင်ပါသည် 　ဂျပန်နိုင်ငံတွင်လူဝင်မှုကြီးကြပ်ရေးဆိုင်ရာလုပ်ငန်းစဥ်များအတွက် အဆင်ပြေချောမွေ့စွာစာရင်းပေးသွင်းနိုင်ရန်အတွက် Visit Japan Webကိုအသုံးပြုပြီးကြိုတင်စာရင်းသွင်းနိုင်ပါတယ်။ကြိုတင်ပြီးကိုယ်‌ရေးအချက်လက်များကိုကြိုတင်ဖြည့်ထားပါက၊ဂျပန်သို့ဝင်‌ရောက်စဥ်တွင်ＱＲကုတ်ပြရုံဖြင့်ပြည်ဝင်မှုလုပ်ထုံးလုပ်နည်းများပြီးမြောက်မည်ဖြစ်ပါတယ်။Visit Japan Webကို2022ခုနှစ်11လပိုင်း1ရက်နေ့မှစပြီးစတင်အသုံးပြုခဲ့သည်။ ※လေဆိပ်တွင်ပြုလုပ်လျက်ရှိသည့် quarantine လုပ်ထုံးလုပ်နည်းများ၏တစ်စိတ်တစ်ပိုင်းကိုဂျပန်သို့မဝင်‌ရောက်မီMySOSကိုအသုံးပြုပြီးကြိုတင်ပြုလုပ်လို့ရသော်လည်း MySOSအသုံးပြုမှုကို2022ခုနှစ်11လပိုင်း14ရက်နေ့မှစပြီးရပ်ဆိုင်းတော့မည်ဖြစ်သည်။ Visit Japan Webနှင့်ပတ်သက်ပြီး 　Visit Japan Web ဆိုသည်မှာလူဝင်မှုကြီးကြပ်‌ရေးလုပ်ထုံးလုပ်နည်းများဖြစ်သော ဆေးစစ်ခြင်း၊ပြည်ဝင်ခွင့်စစ်ဆေးခြင်း၊အကောက်ခွန်အစီရင်ခံခြင်းများကိုအွန်လိုင်းတွင်လုပ်ဆောင်နိုင်သည့်ဝန်ဆောင်မှုဖြစ်သည်။နိုင်ငံရပ်ခြားမှဂျပန်သို့ဝင်‌ရောက်လာသူများအပြင်၊ဂျပန်နိုင်ငံသို့ပြန်လာသည်သူများလည်းအသုံးပြုနိုင်ပါသည်။ ဂျပန်၊တရုတ်၊အင်္ဂလိပ်၊တရုတ်၊ကိုရီးယား 1. ဂျပန်သို့မဝင်‌ရောက်မီပြုလုပ်ရမည့်အရာများ STEP 1　　အကောင့်ပြုလုပ်ပြီးလော့ဂ်အင်ဝင်ခြင်း 　မိမိ၏ကိုယ်ပိုင်အီးမေးလ်ဖြင့်အကောင့်သစ်ပြုလုပ်ပါ 　ထို့နောက်၊စာရင်းသွင်းခဲ့သောအီးမေးလ်နှင့်ပက်စဝက်ကိုထည့်ပြီးလော့ဂ်အင်ဝင်ပါ STEP 2　　အသုံးပြုသူ၏ကိုယ်ရေးအချက်လက်ဖြည့်ခြင်း 　အသုံးပြုသူ၏ကိုယ်‌ရေးအချက်လက်(ပက်စပို့ထဲမှအချက်အလက်များနှင့်ဂျပန်နိုင်ငံတွင်ဆက်သွယ်နိုင်မည့်သူ၏အချက်လက်ရှိပါကဖြည့်ပါ ※ပန်သို့ဝင်ရောက်ခြင်း၊ပြန်ဝင်ခြင်းများ၏လုပ်ထုံးလုပ်နည်းကိုတစ်ဦးချင်းစီပြုလုပ်သည်ဖြစ်သော်လည်းနို့စို့အရွယ်နှင့်မိမိကိုယ်တိုင်လုပ်ထုံးလုပ်နည်းမလုပ်နိုင်သူများသည်မိမိနှင့်အတူလိုက်ပါလာသောမိသားစုဝင်မှစာရင်းသွင်းနိုင်ပါသည်၊မိသားစုဝင်မှအများဆုံး၁၀ယောက်စာအထိစာရင်းသွင်းပေးနိုင်ပါသည်။「同伴家族の情報」လို့‌ရေးထားတာကိုနှိပ်ပြီး「同伴家族の情報 追加・編集画面」ဆိုတာကိုနှိပ်ပြီး‌ရှေ့ဆက်ပါ STEP 3　　အစီစဥ်များကိုစာရင်းသွင်းခြင်း 　　ဂျပန်သို့ဝင်ရန်၊ပြန်လာရန်အစီစဥ်(ခရီးသွားမည့်နေရာ၊ဂျပန်သို့‌‌ရောက်ရန်စီစဥ်ထားသည့်ရက်၊လေကြောင်းလိုင်းအမည်၊လေယာဥ်နံပါတ်၊စီနင်းမည့်လေယာဥ်အမျိုးစား၊ဂျပန်တွင်ဆက်သွယ်လို့ရမည့်လိပ်စာ)များကိုဖြည့်စွက်ပါ※အတူပါလာသောမိသားစုဝင်၏အချက်လက်များဖြည့်နိုင်ပါသည် STEP 4　　လိုအပ်သည့်လုပ်ထုံးလုပ်နည်း၏အချက်အလက်များဖြည့်ရန် 　ဖြည့်စွက်ခဲ့သည့်အစီစဥ်များတွင်ပြည်ဝင်ရန်အတွက်လုပ်ထုံးလုပ်နည်းအချက်လက်အသီးသီးကိုဖြည့်စွက်ပါ ① ဆေးစစ်ခြင်း（First Track） 　ကိုယ်ရေးအချက်လက်၊စစ်တမ်းလွှာ၊အကျုံးဝင်သောကိုရိုနာကာကွယ်ဆေးလက်မှတ်နှင့်မိမိနိုင်ငံမှမထွက်ခွာမှီ၇၂နာရီတွင်းစစ်ဆေးခဲ့သောဆေးစစ်ချက်လက်မှတ်များကိုဖြည့်ပါ။ဖြည့်စွက်ခြင်းပြီးဆုံးပါက၊စခရင်သည်အပြာ‌ရောင်သို့ပြောင်းလဲသွားမည်ဖြစ်ပြီး၊ＱＲကုတ်ပေါ်လာမည်ဖြစ်သည်။ ② […]

・နေထိုင်ခွင့်အရည်ချင်းဆိုသည်မှာ ထိုင်ခွင့်အရည်ချင်းဆိုသည်မှာနိုင်ငံခြားသားများသည်ဂျပန်နိုင်ငံတွင်နေထိုင်ရန်အတွက်ချမှတ်ပေးသောအရည်ချင်းဖြစ်ပြီး၊ယခုလက်ရှိတွင်အမျိုးအစား၂၉မျိုးရှိပါသည်။နေထိုင်ခွင့်အရည်ချင်းပေါ်မူတည်ပြီးလှုပ်ရှားမှုများကိုဆုံးဖြတ်ထားပါသည်။ ・အလုပ်လုပ်ခွင့်ရှိမရှိနှင့်ပတ်သက်သောနေထိုင်ခွင့်များ နေထိုင်ခွင့်အရည်ချင်းပေါ်မူတည်ပြီး၊အလုပ်လုပ်ခွင့်ရှိမရှိကိုသတ်မှတ်ပါသည် １．အလုပ်လုပ်ခွင့်မရှိတဲ့နေထိုင်ခွင့်အမျိုးအစားများ အလုပ်လုပ်ခွင့်မရှိသောနေထိုင်ခွင့် ２．အလုပ်လုပ်ခွင့်ရှိသောနေထိုင်ခွင့်（အကန့်သတ်ရှိ) အလုပ်အမျိုးအစားကန့်သတ်ချက်ရှိသောနေထိုင်ခွင့်အမျိုးအစား ３．အလုပ်လုပ်ခွင့်ရှိသောနေထိုင်ခွင့်（အကန့်သတ်မရှိ) အလုပ်အမျိုးအစားကန့်သတ်ချက်မရှိသောနေထိုင်ခွင့်အမျိုးအစား ・ဂျပန်တွင်ကျောင်းတက်နေသောသူများနှင့်ပတ်သက်သောနေထိုင်ခွင့်အရည်ချင်းများ ①「နည်းပညာ/အသိပညာာ/နိုင်ငံတကာဆောင်ရွက်မှု」 ②အဆင့်မြင့်ကျွမ်းကျင်နည်းပညာဗီဇာ ③အထူးလှုပ်ရှားမှုဗီဇာ အမှတ်46 ④အထူးကျွမ်းကျင်လုပ်သားဗီဇာ ⑤အထူးလှုပ်ရှားမှုဗီဇာ（ကျောင်းပြီးအလုပ်ရှာသူများအတွက်） နှင့်ပတ်သက်ပြီးဗီဒီယိုဖြင့်ရှင်းပြထားပါတယ်။စိတ်ဝင်စားပါကဝင်ကြည့်နိုင်ပါတယ်⇒နှိပ်ရန် အဓိကလုပ်ဆောင်နိုင်သောအကြောင်းအရာများကို‌အောက်ပါဇယားကွက်တွင်ကြည့်ပါ ①「နည်းပညာ/အသိပညာ/နိုင်ငံတကာဆောင်ရွက်မှု」　နှင့် ②အဆင့်မြင့်ကျွမ်းကျင်နည်းပညာ ③အထူးလှုပ်ရှားမှုဗီဇာအမှတ် 46 ④အထူးကျွမ်းကျင်လုပ်သား ⑤အထူးလှုပ်ရှားမှုဗီဇာ（ကျောင်းပြီးအလုပ်ရှာသူများအတွက်） ကျောင်းပြီး၍အလုပ်ရှာသူများအထူးလှုပ်ရှားမှုဗီဇာကိုလျှောက်ထားရာတွင်အရည်ချင်းပြင်ပလှုပ်ရှားမှုခွင့်ပြုချက်ကိုရယူထားပါက၊၁ပတ်ကို၂၈နာရီအချိန်ပိုင်းလုပ်ခွင့်ရှိပါတယ်။ ဂျပန်နိုင်ငံမှာတက္ကသိုလ်တက်နေသူ(ဂျူနီယာကောလိပ်နဲ့ဘွဲ့လွန်တက်နေသူအပါအဝင်)၊အသက်မွေးဝမ်းကျောင်းနဲ့ဂျပန်စာသင်တန်းကျောင်း (နိုင်ငံရပ်ခြားတက္ကသိုလ်မှဘွဲ့ရထားသူများသာ)တက်ရောက်ပြီးသူများဂျပန်နိုင်ငံတွက်ဆက်လက်အလုပ်ရှာလိုပါက特定活動（就職）နေထိုင်ခွင့်ကိုပြောင်းနိုင်ပါတယ်။ 期間：အမြင့်ဆုံး၁နှစ်ကြာနေထိုင်ခွင့်ချပေးပါသည်(၁ကြိမ်ကို၆လချပေးသည့်အတွက်နောက်တကြိမ်၆လစာသက်တမ်းတိုးခွင့်ရှိပါတယ်။တနှစ်ပြည့်ပါကဆက်လက်တိုးခွင့်မရှိကြောင်းသတိပြုစေလိုပါတယ်။) လိုအပ်သောစာရွက်စာတမ်များမှာ： 大学生から特定活動へ(တက္ကသိုလ်‌ကျောင်းပြီးသူများအတွက်) 専門学校生から特定活動へ(အသက်မွေးဝမ်းကျောင်းပြီးသူများအတွက်) 日本語教育機関留学生（海外大卒者のみ）から特定活動へဂျပန်ဘာသာစကားသင်တန်းကျောင်း(နိုင်ငံရပ်ခြားတက္ကသိုလ်မှဘွဲ့ရထားသူများသာ)ပြီးသူများအတွက် 22022 ခုနှစ် 10လပိုင်း 6ရက်နေ့အထိရရှိထားသောသတင်းဖြစ်ပါသည်၊သတင်းအချက်အလက်အသစ်များကိုသက်ဆိုင်ရာဟုမ်းပေ့ချ်တွင်ဝင်ရောက်ကြည့်ပါရန်။

＜＜အထူးလှုပ်ရှားမှုနှင့်ပတ်သက်ပြီး＞＞ 　“အထူးလှုပ်ရှားမှု”ဆိုသည်မှာ လက်ရှိနေထိုင်ခွင့်အရည်ချင်းများအောက်တွင် ခွဲခြား၍မရသောလှုပ်ရှားမှုများကိုလုပ်ဆောင်နေသည့်နိုင်ငံခြားသားများအားပေးသည့် နေထိုင်မှုအခြေအနေတစ်ခုဖြစ်သည်။တစ်ဦးတယောက်ချင်းဆီ၏ ခွင့်ပြုချက်အကြောင်းအရာပေါ်မူတည်ပြီးအလုပ်လုပ်ခွင့်ရှိမရှိကိုဆုံးဖြတ်ပါသည်။နေထိုင်ခွင့်သက်တမ်းမှာ ၅နှစ်၊၃နှစ်၊၁နှစ်၊၆လ၊၃လ(သို့မဟုတ်)တရားရေးဝင်ကြီးမှတစ်ဦးချင်းဆီအတွက်သတ်မှတ်ပေးသည့်သက်တမ်း(၅နှစ်ထက်မပိုသော)ကိုရရှိနိုင်ပါတယ်။ 　“အထူးလှုပ်ရှားမှု”နေထိုင်ခွင့်ရရှိထားသည့်နိုင်ငံခြားသားများအား၎င်းတို့၏လှုပ်ရှားမှုများကိုဖော်ပြထားခြင်းရှိသည့်「指定書」ဆိုသည့်စာရွက်ကိုထုတ်ပေးမည်ဖြစ်ပြီး၊ပုံမှန်အားဖြင့်ကာယကံရှင်၏နိုင်ငံကူးလက်မှတ်(passport)ထဲတွင်တွဲကပ်ပေးပါသည်။ 　ယခုအခေါက်မှာတော့ကိုရိုနာဗိုင်းရတ်စ်ကူးစပ်မှုများကြောင့်မိမိနိုင်ငံသို့ပြန်ရန်အခက်ခဲဖြစ်နေသောနိုင်ငံခြားသားများအားချပေးသည့်အထူးလှုပ်ရှားမှုနေထိုင်ခွင့်များထဲမှအောက်ပါ၄မျိုးကိုအဓိကထားပြီးရှင်းပြပေးမှာဖြစ်ပါတယ်။ １．特定活動（帰国困難）အထူးလှုပ်ရှားမှုနေထိုင်ခွင့်(မိမိနိုင်ငံသို့ပြန်ရန်အခက်ခဲရှိသည့်အခြေအနေတွင်ထုတ်ပေးခြင်း)２．特定活動（雇用維持支援）အထူးလှုပ်ရှားမှုဗီဇာ(အလုပ်ဆက်လက်လုပ်ကိုင်နိုင်ရန်ထောက်ပံ့မှု)３．その他の帰国困難により特定活動、短期滞在(တခြားသောအကြောင်းအရာများကြောင့်မိမိနိုင်ငံသို့ပြန်ရန်အခက်ခဲရှိသည့်အခြေအနေကြောင့်ရရှိသည့်အထူးလှုပ်ရှားမှုနေထိုင်ခွင့်၊ရက်တိုနေထိုင်ခွင့်ထုတ်ပေးခြင်း) ※ 2022.11.1ရက်အထိနေထိုင်ခွင့်သက်တမ်းရှိသောသူများသာလျှင်ကိုရိုနာကြောင့်မိမိနိုင်ငံသို့ပြန်ရန်အခက်ခဲဖြစ်နေသည့်အကြောင်းပြချက်ဖြင့်“အထူးလှုပ်ရှားမှုနေထိုင်ခွင့်“ သို့မဟုတ် “ရက်တိုနေထိုင်ခွင့်“ သို့ပြောင်းလဲခွင့်ပြုသည်။ １．【特定活動（帰国困難）】အထူးလှုပ်ရှားမှုနေထိုင်ခွင့်(မိမိနိုင်ငံသို့ပြန်ရန်အခက်ခဲရှိသည့်အခြေအနေတွင်ထုတ်ပေးခြင်း) မိမိနိုင်ငံသို့ပြန်ရန်အခက်ခဲရှိသည့်နည်းပညာအလုပ်သင်သင်တန်းသားများအားအမြင့်ဆုံး၄လကြာနေထိုင်ခွင့်ချပေးပါသည်။ အမျိုးအစား：①「အထူးလှုပ်ရှားမှုနေထိုင်ခွင့်(၄လ၊အလုပ်လုပ်ခွင့်ရှိ)」　မိမိနိုင်ငံသို့ပြန်ရန်အခက်ခဲရှိသောနည်းပညာအလုပ်သင်သင်တန်းသာများသည်လက်ရှိအလုပ်သင်နှင့်တူညီသောလုပ်ငန်းသို့မဟုတ်အလုပ်သင်နှင့်သက်ဆိုင်မှုရှိသောလုပ်ငန်းများကိုလုပ်ကိုင်နိုင်ပါသည်။အချိန်ပြည့်အလုပ်လုပ်ခွင့်ပြုထားသော်လည်း၊အလုပ်လုပ်သည့်နေရာသည့်အထူးလှုပ်ရှားမှုဗီဇာလုပ်ဆောင်မှုအတွက်ခွင့်ပြုချက်ရယူပေးသည့်ကုမ္ပဏီတွင်သာလုပ်ခွင့်ရှိပါသည်။ ②「အထူးလှုပ်ရှားမှုနေထိုင်ခွင့်(၄လ၊အလုပ်လုပ်ခွင့်မရှိ)」　နေထိုင်ခွင့်ကိုလျှောက်ထားသည့်အခါ၊အရည်ချင်းပြင်ပလှုပ်ရှားမှုခွင့်ပြုချက်ကိုတပြိုင်တည်းလျှောက်ထားခဲ့ပါက၊လိင်ပိုင်းဆိုင်ရာဖျော်ဖြေမှုမှလွဲ၍တခြားအလုပ်များကိုတပတ်ကို၂၈နာရီတွင်းလုပ်ခွင့်ပြုပါတယ်။ လျှောက်ထားရာတွင်လိုအပ်သည့်စာရွက်စာတမ်းများ：①「အထူးလှုပ်ရှားမှုနေထိုင်ခွင့်(၄လ၊အလုပ်လုပ်ခွင့်ရှိ)」　②「အထူးလှုပ်ရှားမှုနေထိုင်ခွင့်(၄လ၊အလုပ်လုပ်ခွင့်မရှိ)」 　အောက်ဖော်ပြပါအထူးအခြေအနေများအတွက်လည်းလျှောက်ထားနိုင်ပါတယ်။ကျွမ်းကျင်စာမေးပွဲများကိုမဖြေလိုက်ရသည့်အတွက်နောက်တဆင့်ကိုမပြောင်းရွှေ့နိုင်သောအလုပ်သင်များအတွက်「အထူးလှုပ်ရှားမှုနေထိုင်ခွင့်(၄လ၊အလုပ်လုပ်ခွင့်ရှိ)」ကိုလျှောက်ထားနိုင်ပါသည်။ လျှောက်ထားရာတွင်လိုအပ်သည့်စာရွက်စာတမ်းများ：နှိပ်ပါ ※အထူးလှုပ်ရှားမှုနေထိုင်ခွင့်ကိုလျှောက်ထားရာမှာကြီးကြပ်ရေးအဖွဲ့အစည်းမှ‌ရေးသားပေးသည့်အကြောင်းပြချက်ထုတ်ပြန်ချက်လိုအပ်သည့်အတွက်၊ကြီးကြပ်ရေးအဖွဲ့အစည်းနှင့်တိုင်ပင်ပြီးလျှောက်ထားကြပါ။ ２．【特定活動（雇用維持支援）】အထူးလှုပ်ရှားမှုနေထိုင်ခွင့်(အလုပ်ဆက်လက်လုပ်ကိုင်နိုင်ရန်ထောက်ပံ့မှု) 　အထူးလှုပ်ရှားမှုနေထိုင်ခွင့်(ကိုရိုနာကြောင့်လက်ရှိမိမိနိုင်ငံသို့ပြန်ရန်အလုပ်ဖြုတ်ခံရသောနိုင်ငံခြားသားများ၊လက်ရှိနေထိုင်ခွင့်အမျိုးအစားဖြင့်ဆက်လက်နေထိုင်ရန်အခက်ခဲရှိသည့်နိုင်ငံခြားသားများအားဂျပန်နိုင်ငံတွင်ဆက်လက်နေထိုင်လိုပါကထုတ်ပေးသည့်နေထိုင်ခွင့်ဖြစ်သည်။　ဥပမာ အထူးကျွမ်းကျင်လှုပ်ရှားနေထိုင်ခွင့်သို့ပြောင်းရန်အတွက်အထူးကျွမ်းကျင်စာမေးပွဲကိုဖြေဆိုလိုသောအလုပ်သင်များ၊အထူးကျွမ်းကျင်လုပ်သားများ၊အလုပ်ဖြုတ်ခံရသောသောကြောင့်ဆက်လက်အလုပ်လုပ်ကိုင်ရန်အခက်ခဲဖြစ်နေသောနိုင်ငံခြားသားအလုပ်သမားများ၊အလုပ်ကမ်းလှမ်းမှုဖျက်သိမ်းခံရသောနိုင်ငံခြားသားများအားနေထိုင်ခွင့်သက်တမ်းအမြင့်ဆုံး၁နှစ်ချပေးပါသည်။ လျှောက်ထားရာတွင်လိုအပ်သည့်စာရွက်စာတမ်းများ：နှိပ်ပါ 3．【その他の帰国困難により特定活動、短期滞在】【တခြားသောအကြောင်းအရာများကြောင့်မိမိနိုင်ငံသို့ပြန်ရန်အခက်ခဲရှိသူများအတွက်အထူးလှုပ်ရှားမှုနေထိုင်ခွင့် ၊ရက်တိုနေထိုင်ခွင့်】 လက်ရှိကိုရိုနာကြောင့်မိမိနိုင်ငံသို့ပြန်လို့မရသောသူများအားမိမိနိုင်ငံသို့ပြန်လို့ရသည့်အချိန်အတွင်းနေထိုင်ခွင့်ရရှိအောင်ထုတ်ပေးသည့်အထူးလှုပ်ရှားမှုနေထိုင်ခွင့်ဖြစ်ပြီးရက်ပေါင်း ၉၀(သို့မဟုတ်)၄လနေထိုင်ခွင့်ချပေးပါသည်။ အမျိုးအစား： （１）လက်ရှိကိုရိုနာကြောင့်မိမိနိုင်ငံသို့ပြန်လို့မရသောသူများအတွက်အောက်ပါအတိုင်းသက်တမ်းတိုးခွင့်ပြုပါသည်။ ・「အထူးလှုပ်ရှားမှုမှုနေထိုင်ခွင့်（၆လ）」နေထိုင်ခွင့်သက်တမ်းရှိသူများ⇒「အထူးလှုပ်ရှားမှုမှုနေထိုင်ခွင့်（၄လ）」သက်တမ်းတိုးပေးပါသည်။・「ရက်တိုနေထိုင်ခွင့်（၉၀ရက်）」နေထိုင်ခွင့်သက်တမ်းရှိသူများ⇒「ရက်တိုနေထိုင်ခွင့်（၉၀ရက်）」သက်တမ်းတိုးပေးပါသည်။ （２）နောင်တွင်ကိုရိုနာကြောင့်မိမိနိုင်ငံသို့ပြန်ရန်အခက်ခဲဖြစ်နေသောသူများဂျပန်တွင်ဆက်လက်နေထိုင်လိုပါကအောက်ပါအတိုင်းသက်တမ်းတိုးခွင့်ပြုပါသည်။ ・「အထူးလှုပ်ရှားမှုမှုနေထိုင်ခွင့်（၄လ）」သို့မဟုတ်「ရက်တိုနေထိုင်ခွင့်（၉၀ရက်）」ခွင့်ပြုပါသည်။ ※(2)အတွက် 2022.11.1ရက်အထိနေထိုင်ခွင့်သက်တမ်းရှိသူများသာလျှင်သက်တမ်းတိုးခွင့်ပြုမည်။ လျှောက်ထားရာတွင်လိုအပ်သည့်စာရွက်စာတမ်းများ：နှိပ်ပါ 注１）လက်ရှိခွင့်ပြုထားသောနယ်ပယ်အတွင်းတွင်အလုပ်ဆက်လက်လုပ်ကိုင်ခွင့်ပြုမည်။ 注２）ယခုတကြိမ်လျှောက်ထားမှုအပေါ်ခွင့်ပြုချက်ရရှိပါကထိုနေထိုင်ခွင့်ကာလပြည့်ပြီးနောက်တွင်ကိုရိုနာကြောင့်မိမိနိုင်ငံသို့ပြန်ရန်အခက်ခဲရှိကြောင်းအကြောင်းပြချက်ဖြင့်နေထိုင်ခွင့်ကာလသက်တမ်းတိုးခြင်းကိုခွင့်မပြုတော့ပါ။ 注３）ယခုတကြိမ်လျှောက်ထားမှုအတွက်ခွင့်ပြုချက်ရရှိပါက၊ခွင့်ပြုလိုက်သောကာလအတွင်းမိမိနိုင်ငံသို့ပြန်နိုင်မှုရှိစေရန်ပြင်ဆင်မှုများကိုဆက်လက်လုပ်ဆောင်ရမည်ဖြစ်သည်။ 2022ခုနှစ်10လပိုင်း 3ရက်နေ့အထိရရှိထားသောသတင်းဖြစ်ပါသည်၊သတင်းအချက်အလက်အသစ်များကိုသက်ဆိုင်ရာဟုမ်းပေ့ချ်တွင်ဝင်ရောက်ကြည့်ပါရန်။

ဒီနေ့ပြောပြပေးမှာကတော့အွန်လိုင်းမှတဆင့် မိုင်နမ်းဘားကတ်(ကိုယ်ပိုင်နံပါတ်ကတ်)လျှောက်နည်းကိုပြောပြပေးမှာဖြစ်ပါတယ်။ မိုင်နမ်းဘားကတ်(ကိုယ်ပိုင်နံပါတ်ကတ်)မလျှောက်ခင်အောင်အောက်ပါအသုံးအနှုန်းနဲ့ပတ်သက်ပြီးသိပြီးပြီလား? ①【マイナンバー（個人番号）】လို့ခေါ်တဲ့မိုင်နမ်းဘား(ခေါ်)ကိုယ်ပိုင်နံပါတ် ➁【通知カード】လို့ခေါ်တဲ့အသိပေးကတ်ပြား ③【個人番号通知書】လို့ခေါ်တဲ့ကိုယ်ပိုင်နံပါတ်ထုတ်ရန်အသိပေးကတ်ပြား ④【マイナンバーカード】လို့ခေါ်တဲ့မိုင်နမ်းဘားကတ်(ကိုယ်ပိုင်နံပါတ်ကတ်) တွေကိုကွဲပြားအောင်သိထားဖို့လိုပါတယ် ①マイナンバー（個人番号）လို့ခေါ်တဲ့မိုင်နမ်းဘား(ခေါ်)ကိုယ်ပိုင်နံပါတ် ဆိုသည်မှာ ဂျပန်ရောက်ပြီး၊ပထမဆုံးအကြိမ်ရက်ကွက်ရုံးမှာနေထိုင်ခွင့်စာရင်းသွင်းရပါတယ်။စာရင်းသွင်းပြီးတဲ့နောက်မှာနံပါတ်12လုံးပါတဲ့ဂဏန်းကိုထုတ်ပေးမှာဖြစ်ပြီး၊အခွန်ဆောင်ခြင်းမဆောင်ခြင်းကိုသိရှိနိုင်တဲ့ကိုယ်ပိုင်နံပါတ်ဖြစ်ပါတယ်။ ဂျပန်ပြည်တွင်းလူမှုဖူလုံရေးနှင့်အခွန်၊သဘာဝဘေးအန္တရာယ်စီမံရေးကဲ့သို့သောနယ်ပယ်များတွင်အသုံးပြုပါတယ်။ ➁通知カードလို့ခေါ်တဲ့အသိပေးကတ်ပြားဆိုသည်မှာ 2020ခုနှစ်5လပိုင်း25ရက်နေ့တွင်ထိုအကြောင်းကြားကတ်ပြားကိုဖျက်သိမ်းလိုက်ပြီဖြစ်ပါသည်။ထိုရက်မတိုင်ခင်ရောက်ရှိခဲ့သောအစိမ်းရောင်အသိပေးကတ်ပြားရရှိထားသူများအနေဖြင့်မိမိ၏နာမည်နှင့်နေရပ်လိပ်စာသည်ယခုလက်ရှိနေထိုင်ခွင့်စာရင်းသွင်းထားသည့်လိပ်စာ(住民票တွင်ရှိသောလိပ်စာ)နှင့်တူညီမှုရှိပါကဆက်လက်ပြီးကိုယ်ပိုင်နံပါတ်သက်သေခံကတ်ပြားအဖြစ်အသုံးပြုလို့ရပါတယ်။ ③個人番号通知書လို့ခေါ်တဲ့ကိုယ်ပိုင်နံပါတ်ထုတ်ရန်အသိပေးကတ်ပြား 2020ခုနှစ်5လပိုင်း25ရက်နေ့နောက်ပိုင်းတွင်နေထိုင်ခွင့်စာရင်းသွင်းသူမျာအားစာရင်းသွင်းပြီး 2～3ပတ်ခန့်အကြာတွင်မှတ်ပုံတင်ပို့စနစ်ဖြင့်အိမ်သို့ကိုယ်ပိုင်နံပါတ်အကြောင်းကြားစာပေးပို့မည်ဖြစ်သည်။ စာရွက်ထဲတွင်「နာမည်」「မွေးသက္ကရာဇ်」နှင့်「ကိုယ်ပိုင်နံပါတ်」စသည်တို့ကိုရေးသားဖော်ပြထားသည်။ ④マイナンバーカードမိုင်နမ်းဘားကတ်(ကိုယ်ပိုင်နံပါတ်ကတ်)ဆိုသည်မှာ ・လျှောက်ထားမှသာလျှင်ထုတ်ပေးသည့်ကတ်ဖြစ်သည် ・ထိုကတ်ထဲတွင်မိုင်နမ်းဘား(ကိုယ်ပိုင်နံပါတ်)၊လိပ်စာ၊နာမည်၊မွေးသက္ကရာဇ်စသည်တို့ကိုဖော်ပြထားသည် ・မျက်နှာပုံပါပြီးနောက်ကျောတွင် IC chipပြားလေးပါသောကတ်ဖြစ်ပါတယ် ・ဇိုင်းလျူးကတ်လိုမျိုးလူကိုယ်တိုင်ဖြစ်ကြောင်းသက်သေခံကတ်ပြား(မှတ်ပုံတင်ကတ်)အဖြစ်သုံးလို့ရနိုင်တဲ့ကတ်ဖြစ်ပါတယ် မိုင်နမ်းဘားကတ်လျှောက်ထားခြင်းအဆင့်ဆင့်(လျှောက်လွှာတင်ခြင်းမှကတ်ရရှိသည်အထိ) ဖောင်တင်နည်း မိုင်နမ်းဘားကတ်လျှောက်ရန်အတွက်ဖောင်ဖြည့်နည်းကိုဗီဒီယိုတွင်ကြည့်ပေးပါ။မိုင်နမ်းဘားကတ်လျှောက်နည်း ကတ်ရယူရန် မိုင်နမ်းဘားကတ်ကိုလျှောက်ပြီးနောက်1လမှ２လအကြာတွင်မိုင်နမ်းဘားကတ်ကိုလာရောက်ထုတ်ယူနိုင်ကြောင်းအကြောင်းကြားသည့်စာရွက်『交付通知書（はがき）』အိမ်သို့ရောက်ရှိမည်ဖြစ်ပြီး၊စာရွက်ထဲတွင်ဖော်ပြထားသောနေရာသို့သွားရောက်ထုတ်ယူရမည်ဖြစ်သည်။ ထုတ်ယူနိုင်သည့်ရက်နှင့်နေရာများမှာရပ်ကွက်အလိုက်အပြောင်းအလဲရှိတတ်သည့်အတွက်ထုတ်ပေးကြောင်းအကြောင်းကြားစာရွက်တွင်သေချာဖတ်ကြည့်ပါရန်။ မိုင်နမ်းဘားကတ်ထုတ်ယူရာတွင်သတိပြုရမည့်အချက်နှင့်လိုအပ်သောအရာများ ・အကြောင်းကြားစာရွက်（はがき） ・「通知カード」အစိမ်းရောင်အကြောင်းကြားကတ်（2020ခုနှစ်5လပိုင်း25ရက်နေ့မတိုင်ခင်ရရှိထားသောသူများသာလျှင်） ・ကာယကံရှင်ဖြစ်ကြောင်းအတည်ပြုနိုင်သည့်စာရွက်စာတမ်း（ဇိုင်းလျူးကတ်၊ပတ်စပို့စသဖြင့်…） ・ပက်စဝက်（ကတ်ထုတ်ယူချိန်တွင်ပက်စဝက်၂မျိုးကိုပြုလုပ်ရမည်ဖြစ်သည်） ※ပက်စဝက်မေ့ခြင်းသို့မဟုတ်ပက်စဝက်၃ကြိမ်မှားယွင်း၍လော့ခ်ခတ်ခံရပါက၊မိမိနေထိုင်သောရပ်ကွက်ရုံးတွင်ပက်စဝက်အသစ်ပြုလုပ်ရန်လိုအပ်သည့်အတွက်ပက်စဝက်မမေ့ရန်သတိပြုပါ။ မိုင်နမ်းဘားကတ်နှင့်ပတ်သက်ပြီးသတိပြုရမည့်အရာများ ＜＜သက်တမ်းမကုန်ခင်သက်တမ်းတိုးပါ＞＞ မိုင်နမ်းဘားကတ်တွင်သက်တမ်းကုန်ဆုံးမည့်ရက်ကိုအတည်ပြုနိုင်ပါသည်။(ကတ်ပြားပေါ်တွင်ရေးထားပါသည်)※အမြဲနေထိုင်သူ၊အထူးအမြဲနေထိုင်သူ၊ကျွမ်းကျင်ပညာရှင်အဆင့်၂နေထိုင်ခွင့်ဗီဇာမှလွဲပြီး၊အခြားနိုင်ငံခြားသားများ၏မိုင်နမ်းဘားကတ်ကုန်ဆုံးသည့်သက်တမ်းမှာဇိုင်းလျူးကတ်ခေါ်နေထိုင်ခွင့်ကတ်တွင်ရေးထားသောသက်တမ်းကုန်ဆုံးရက်နှင့်အတူတူဖြစ်သည်။သက်တမ်းမကုန်ခင်သက်တမ်းတိုးခြင်းကိုလုပ်ဆောင်ရန်လိုအပ်ပါသည်။ ＜＜ခိုးခံရခြင်း၊ပျောက်ဆုံးခြင်းအတွက်သတိပြုရန်！＞＞ မိုင်နမ်းဘားကတ်တွင်ကိုယ်ပိုင်နံပါတ်၊နာမည်၊လိပ်စာ၊မွေးသက္ကရာဇ်စသဖြင့်ကိုယ်ရေးအချက်လက်များစွာပါဝင်နေပါသည်။ထိုကိုယ်ရေးအချက်လက်များကိုမသမာသူများမှအလွဲသုံးစားလုပ်နိုင်သည့်အခြေအနေရှိနိုင်သည့်အတွက်မိုင်နမ်းဘားကတ်နှင့်ပတ်သက်ပြီးမပျောက်အောင်သေချာသတိပြုစေလိုပါသည်။ ※အကယ်၍များပျောက်ဆုံးခဲ့သည်ရှိသော်ရဲစခန်းသို့ချက်ချင်းသတင်းပို့ပါ၊ထို့အပြင်ကိုယ်ပိုင်နံပါတ်အသုံးပြုခြင်းလုပ်ဆောင်ချက်ကိုရပ်တန့်ရန်အတွက်マイナンバー総合フリーダイヤルမိုင်နမ်းဘားအတိုင်ပင်ခံဌာနသို့ဖုန်း(အခမဲ့)ဖြင့်ဆက်သွယ်အကြောင်းကြားပါ။ သက်တမ်းတိုးရန်လုပ်ထုံးလုပ်နည်း လျှောက်လွှာတင်ရမည့်နေရာ：မိမိနေထိုင်သောရပ်ကွက်ရုံးရှိကောင်တာ လိုအပ်သောစာရွက်စာတမ်း ※သက်တမ်းကုန်ဆုံးပါကမိုင်နမ်းဘားကတ်သည်အကျုံးမဝင်တော့ပါ ※နောက်တကြိမ်မိုင်နမ်းဘားကတ်ကိုပြုလုပ်လိုသူများအနေဖြင့်၊ကတ်ပြုလုပ်ခ(ယန်း1000)ကောက်ခံမည်ဖြစ်သည် ※ဇိုင်းလျူးကတ်သက်တမ်းတိုးရုံဖြင့်မိုင်နမ်းဘားကတ်၏သက်တမ်းအလိုလျောက်မတိုးပါ 2022ခုနှစ် 9လပိုင်း 8ရက်နေ့အထိရရှိထားသောသတင်းဖြစ်ပါသည်၊သတင်းအချက်အလက်အသစ်များကိုသက်ဆိုင်ရာဟုမ်းပေ့ချ်တွင်ဝင်ရောက်ကြည့်ပါရန်။

သားအိမ်ခေါင်းကင်ဆာကာကွယ်ဆေး　 သားအိမ်ခေါင်းကင်ဆာသည်အမျိုးသမီးငယ်များတွင်အဖြစ်များသည်။ ဂျပန်နိုင်ငံတွင်နှစ်စဥ်အမျိုးသမီး ၁၁,၀၀၀ခန့်၊သားအိမ်ခေါင်းကင်ဆာရောဂါဖြစ်ပွားလျက်ရှိပြီး၊နှစ်စဥ်အမျိုးသမီး ၂၈၀၀ခန့်ထိုရောဂါဖြင့်သေဆုံးလျက်ရှိသည်။ အသက် ၂၀ကျော်အမျိုးသမီးလူနာများစတင်တိုးပွားလာပြီး၊အသက်၃၀မတိုင်မီကင်ဆာရောဂါကုသမှုများကြောင့်သားအိမ်ဆုံးရှုံးသွားသူ(ကိုယ်ဝန်မဆောင်နိုင်တော့သူ)မှာ၁၂၀၀ဦးရေခန့်ရှိကြောင်းသိရှိရပါသည်။ သားအိမ်ခေါင်းကင်ဆာဖြစ်ပွားရခြင်းအကြောင်းရင်းမှာHuman papillomavirus  (HPV)ဟုခေါ်သောဗိုင်ရပ်စ်ပိုးကူးစပ်မှုကြောင့်ဖြစ်ပွားရခြင်းကို၁၉၈၂ ခုနှစ်တွင်ရှာဖွေတွေ့ရှိခဲ့ရသည်။ ၂၀၀၆ ခုနှစ်မှစပြီး HPV ကာကွယ်ဆေးကိုဥရောပနှင့်အမေရိကန်ပြည်ထောင်စုတွင်စတင်အသုံးပြုခဲ့သည်။ ဂျပန်နိုင်ငံတွင်ကာကွယ်ဆေးထိုးနှံခြင်းကို ၂၀၀၉ ခုနှစ် ဒီဇင်ဘာလတွင် စတင်ခဲ့သော်လည်း၊ကာကွယ်ဆေးထိုးပြီးနောက် ကာကွယ်ဆေး၏အကျိုးဆက်များအတိအကျမတွေ့ရှိရသည့်အပြင်၊နာကျင်ကိုက်ခဲမှုများကိုဆက်တိုက်ခံစားရသောဆိုးကျိုးများကြောင့် 2013 ခုနှစ်တွင် ကာကွယ်ဆေးထိုးရန် တိုက်တွန်းခြင်းများကို ရှောင်ကြဉ်ခဲ့ပါသည်။   2021ခုနှစ်တွင်ကျန်းမာ‌ရေး၊အလုပ်သမားနှင့်လူမှုဖူလုံရေးဝန်ကြီးဌာနမှ HPV ကာကွယ်ဆေးနှင့်ပတ်သက်၍အထူးစိုးရိမ်စရာမရှိဟု အတည်ပြုခဲ့ပြီး၊ကာကွယ်ဆေး၏ဆိုးကျိုးများထက်၊ဆေး၏ထိရောက်မှုသည်သိသိသာသာသာပို၍သာလွန်နေကြောင်းကိုအကဲဖြတ်ခဲ့သည်။ထို့ကြောင့်2022ခုနှစ် 4လပိုင်းနောက်တွင်ကာကွယ်ဆေးထိုးခြင်းကိုပုံမှန်အတိုင်းပြန်လည်လုပ်ဆောင်သွားမည်ဖြစ်သည်။ HPV ကာကွယ်ဆေးပုံမှန်ထိုးရန်အရည်အချင်းပြည့်မီသူများမှာ မူလတန်း၆တန်း(အသက် ၁၃နှစ်)မှ အထက်တန်းပထမနှစ်(အသက်၁၆နှစ်)ရှိသောမိန်းကလေးများဖြစ်သည်။ （1997နှစ်ဖွား～2005နှစ်ဖွား）များကိုကာကွယ်ဆေးထိုးရန်တိုက်တွန်းခြင်းမရှိခဲ့သော်လည်း၊ယခုအခါမှာကာကွယ်ဆေးထိုးလို့ရသောမူဝါဒကိုထုတ်ပြန်လိုက်ပါသည်။ 2022ခုနှစ် 4လပိုင်းမှစပြီးရည်မှန်းထားသောအသက်ထက်ကျော်လွန်နေသောသူများလည်းကာကွယ်ဆေးအခမဲ့ထိုးနိုင်မှာဖြစ်ပါသည်။ မိမိနေထိုင်သောမြို့နယ်များအပေါ်မူတည်၍စီမံဆောင်ရွက်ချက်များကွာခြားမှုရှိနိုင်သဖြင့်၊ကာကွယ်ဆေးထိုးပေးသောတာဝန်ခံဌာနသို့ဆက်သွယ်မေးမြန်းပါ။ သားအိမ်ခေါင်းကင်ဆာနှင့်ပတ်သက်ပြီးသိထားသင့်သောအချက်မှာ HPV ကာကွယ်ဆေးထိုးခြင်းနှင့်သားအိမ်ခေါင်းကင်ဆာစစ်ဆေးခြင်းဖြစ်သည်။ ကာကွယ်ဆေးအားလုံးတွင်အကျိုးကျေးဇူးများနှင့်ဘေးထွက်ဆိုးကျိုးများရှိနိုင်ပါသည်။ အရင်ဆုံးHPVသားအိမ်ခေါင်းကာကွယ်ဆေးထိုးပြီးကာကွယ်ခြင်းနှင့်သားအိမ်ခေါင်းကင်ဆာရှိမရှိစစ်ဆေးခြင်းကိုပြုလုပ်သင့်ပါသည်။(ကာကွယ်ဆေးထိုးထားလည်းပဲစစ်ဆေးဖို့တိုက်တွန်းပါတယ်) JLEFsupportမှဂျပန်နိုင်ငံရှိနေထိုင်လျက်ရှိသော၊ဂျပန်နိုင်ငံတွင်အလုပ်လုပ်ကိုင်လျက်ရှိသောသူငယ်ချင်းများအားလုံးအတွက်အထောက်အကူပြုနိုင်မဲ့သတင်း‌လေးတွေကိုဆက်လက်တင်ဆက်မှာဖြစ်လို့ကြည့်ရှုအားပေးကြပါအုံးနော်။